Category: Events

பருத்தித்துறை நகரசபையினது ஆளுகைக்குட்பட்ட பகுதியில் காலாவதியான உணவுப்பொருட்களை விற்பனைக்கு வெளிக்காட்டிய பல்பொருள் வாணிபத்திற்கும் நுகர்வோரிற்கு பழுதடைந்த உணவினை விநியோகம் செய்த உணவக உரிமையாளரிற்கும் உணவகத்தில் இருந்து வெளியேறும் கழிவுநீரினை வெளிச்சுற்றாடலிற்கு அப்புறப்படுத்திய உணவக உரிமையாளரிற்கும் எதிராக பருத்தித்துறை நகரசபையின் பொதுச் சுகாதார பரிசோதகரினால் பருத்தித்துறை நீதவான் நீதிமன்றத்தில் தாக்கல் செய்யப்பட்ட வழக்கானது இன்றையதினம் (2025.10.17) விசாரணைக்கு எடுத்துக்கொள்ளப்பட்ட போது பல்பொருள் வாணிபத்தினது முகாமையாளர் மற்றும் இரு உணவக உரிமையாளர்கள் தம்மீதான குற்றச்சாட்டுக்களை ஏற்றுக்கொண்டதன் அடிப்படையில் 60,000/-,  10,000/-,  26,000/-  என மொத்தமாக 96,000/- தண்டப்பணம் கௌரவ மன்றினால் அறவிடப்பட்டமை குறிப்பிடத்தக்கது.

சர்வதேச சிறுவர் தினத்தை முன்னிட்டு, பருத்தித்துறை முனை சிறுவர் மகிழ்வகம் (வெளிச்ச வீடு அருகில்) சிறார்களின் பயன்பாட்டுக்காக இன்று (01.10.2025) திறந்து வைக்கப்பட்டது.  “Dhanusha Marine” நிறுவனத்தினர் இம்மகிழ்வகத்திற்கான உபகரணங்களை புதிதாக வழங்கியிருந்ததுடன், ஒரு சில உபகரணங்களை புதுப்பித்து, மகிழ்வகத்தை சீரமைத்தும் வழங்கியிருந்தனர். இந்நிகழ்வில், கௌரவ தவிசாளர், செயலாளர், கௌரவ உறுப்பினர்கள், உத்தியோகத்தர்கள், ஊழியர்கள் பொதுமக்கள், மற்றும் சிறார்களும் கலந்து கொண்டிருந்தனர். கௌரவ தவிசாளரின் அனுசரணையில், நிகழ்வில் கலந்து கொண்ட சிறார்களுக்கு பரிசில்களும் வழங்கி கௌரவிக்கப்பட்டனர்.

வடமாகாண உள்ளுராட்சி மன்றங்களில் முதன்முறையாக அதாவது பருத்தித்துறை நகரசபையில் இன்றையதினம் 22.02.2024 online payment முறை மூலம் சபைக்குரிய ஆதனவரி செலுத்தும் திட்டமானது வைபவரீதியாக ஆரம்பித்து வைக்கப்பட்டுள்ளது. இந் நிகழ்வில் பிரதம விருந்தினராக திரு.செ.பிரணவநாதன், வடமாகாண உள்ளுராட்சி ஆணையாளர் மற்றும் சிறப்பவிருந்தினர்களாக திரு.பொ.சிறீவர்ணன், உதவி உள்ளுராட்சி ஆணையாளர், யாழ்ப்பாணம், திரு.சர்வானந்தா- CDLG-UNDP திட்டம், திரு.அத்தப்பத்து- வயம்ப அபிவிருத்தி நிறுவனம், திரு.ரத்னராஜ்- முகாமையாளர், பருத்தித்துறை இலங்கை வங்கி ஆகியோர் கலந்து சிறப்பித்தனர். பிரதம, சிறப்பு விருந்தினர்கள் முன்னிலையில் சபையின் செயலாளர் திருமதி.தாரணி கஜரூபன் அவர்களினால் online payment system அங்குரார்ப்பணம் செய்யப்பட்டது. இன்றிலிருந்து எமது சபைக்குரிய வரிகளினை www.pointpedro.uc.gov.lk எனும் இணையத்தளத்தினுள் online payment எனும் பகுதியினூடாகவே அல்லது pay.cat2020.lk எனும் முகவரியினூடாகவோ செலுத்த முடியும்.

இலங்கையின் 76வது சுதந்திர தின நிகழ்வுகள் எமது அலுவலகத்தில் தேசியக்கொடியேற்றத்துடன் ஆரம்பமாகியது. சுதந்திரதினத்தினை முன்னிட்டு மரநடுகை மற்றும் சிரமதான நிகழ்வுகள் நடைபெற்றது. இந்நிகழ்வில் உத்தியோகத்தர்கள் பங்குபற்றியிருந்தனர்.

எமது சபையினால் 2023ஆம் ஆண்டுக்கான 29.12.2023 திகதியன்று கயிறுஇழுத்தல், கிாிக்கெட் போட்டிகள் நடாத்தப்பட்டது. இந் நிகழ்வின் பதிவுகளிலிருந்து…..

எமது சபையினால் ஆதனவாி நிலுவைகளை அறவிடும் நோக்கில் நடமாடும் சேவையானது 18.01.2023ஆந் திகதி V.M வீதியில் அமைந்துள்ள ஞானாலயத்தில் நடைபெற்றது. இந்நடமாடும் சேவையில் பெருமளவான பொதுமக்கள் பங்குபற்றி தமது ஆதனவாி நிலுவைகளை செலுத்தி சபைக்கு ஒத்துழைப்பு வழங்கியிருந்தனா்.

எமது சபையினால் ஆதனவாி நிலுவைகளை அறவிடும் நோக்கில் நடமாடும் சேவையானது 17.01.2023ஆந் திகதி சதாவதானி கதிரவேற்பிள்ளை சிக்கன கடனுதவி கூட்டுறவுச் சங்கத்தில் நடைபெற்றது.

எமது சபையினால் ஆதனவாி நிலுவைகளை அறவிடும் நோக்கில் நடமாடும் சேவையானது 10.01.2023ஆந் திகதி சுப்பா் மடம் பொதுநோக்கு மண்டபத்தில் நடைபெற்றது. இந்நடமாடும் சேவையில் பங்குபற்றி பொதுமக்கள் பயன்பெற்றனா்.